Շտուտգարտի երկաթուղային կայարանից քաղաքացիներին տարհանել են

Գերմանիայի Շտուտգարտ քաղաքի երկաթուղային կայարանը տարհանվել է «մի քանի կասկածելի մարդկանց» պատճառով, և գնացքների երթևեկությունը ժամանակավորապես դադարեցվել է։ Դեպքի մասին հայտնում է Bild-ը։

Տարհանման փաստի մասին հայտնել է նաև քաղաքի ոստիկանությունը՝ մանրամասներ չհայտնելով։ «Ներկայումս Շտուտգարտի գլխավոր կայարանում ոստիկանական գործողություն է իրականացվում, և գնացքների ծառայությունները դադարեցվել են: Խնդրում ենք խուսափել այս տարածքից»,-գրել է ոստիկանությունը X-ի սոցիալական ցանցի էջում:

Bild-ը մանրամասներ է ներկայացնում պատճառների մասին։

«Ոստիկանությունը կիրակի օրը ամբողջությամբ տարհանել է Շտուտգարտի կենտրոնական կայարանը այն բանից հետո, երբ առավոտյան ժամը 11.00-ից անմիջապես հետո անցորդները հայտնել են մի քանի «կասկածելի մարդկանց» մասին»,-գրում է թերթը։

Bild-ի փոխանցմամբ՝ ոստիկանությունը ստուգել է երեք կասկածյալի, և իրավիճակը վերահսկվում է։

Հաղորդվում է, որ ընդհանուր առմամբ մոտ 150 մարդ է տարհանվել։ Ընդհանուր առմամբ, կայարանի փակումն էապես չի ազդել տրանսպորտային իրավիճակի վրա; Գերմանիայում շատ քիչ գնացքներ են աշխատում մինչև երկուշաբթի վարորդների վեցօրյա գործադուլի պատճառով։