Ջրային ռեսուրսների կառավարման նոր ռազմավարություն է պետք՝ հաշվի առնելով թշնամիների գործողությունները. Մինասյան

Ազգային ժողովի նիստում «Հայաստան» խմբակցության պատգամավոր Արծվիկ Մինասյանը հայտարարեց, որ Հայաստանին անհրաժեշտ է ջրային ռեսուրսների կառավարաման նոր ռազմավարություն։ Նա մանրամասնեց, թե ինչու է այն անհրաժեշտ.  «Ընդհանրապես, ջրային ռեսուրսների կառավարաման նոր ռազմավարություն է  անհրաժեշտ՝  հաշի առնելով նաև Հայաստանում ներկա ստեղծված  ծանր պայմանները, արտաքին պայմանները, ջրային ռեսուրսների նկատմամբ  թշնամի պետություններից կողմից իրականացվող գործողությունները նույնպես»։

ՀՀ շրջակա միջավայրի նախարարի տեղակալ Տիգրան Գաբրիելյանն ասաց, որ նախարարությունում մշակվում է շրջակա միջավայրի ռազմավարությունը, որն իր մեջ ներառում է ջրի կառավարման նոր ռազմավարությունը՝ կապված մարտահրավերների հետ։