Իրանի ԱԳՆ-ն Բաղդադին ԱՄՆ-ի հարվածն ահաբեկչություն է որակել

Բաղդադի արևելյան շրջաններին ԱՄՆ-ի ռազմական հարվածը ահաբեկչական գործողություն է, որը վտանգ է ներկայացնում միջազգային անվտանգության համար։ ՏԱՍՍ-ը գրում է, որ այդ մասին հայտարարել է Իրանի արտաքին գործերի նախարարության պաշտոնական ներկայացուցիչ Նասեր Քանանին, որի խոսքերը մեջբերված են գերատեսչության պաշտոնական կայքում։

Ինչպես ընդգծել է դիվանագետը, Թեհրանը «խստորեն դատապարտում է Իրաքի տարածքում ամերիկյան կառավարության կողմից իրականացված ահաբեկչական հարձակումը, որը հանգեցրել է դիմադրության ուժերի մի քանի ներկայացուցիչներ, այդ թվում՝ Աբու Բաքիր աս-Սաիդին՝ ի դեմս բարձրաստիճան ղեկավարներից մեկի, որը պայքարում էր ահաբեկչության և «Իսլամական պետություն» ահաբեկչական խմբավորման դեմ»: Քանանիի խոսքով՝ Վաշինգտոնի գործողությունները խախտում են Իրաքի ինքնիշխանությունն ու տարածքային ամբողջականությունը և «վտանգ են ներկայացնում միջազգային անվտանգությանն ու տարածաշրջանային կայունությանը»։