Լեհաստանի Սեյմի խոսնակի հետ ֆերմերների հանդիպումը արդյունք չի տվել

Վարշավայում բողոքող ֆերմերների հանդիպումը Լեհաստանի Սեյմի խոսնակ Շիմոն Հոլովնիայի հետ արդյունք չի տվել։ ՌԻԱ Նովոստիի փոխանցմամբ՝ լրագրողներին ասել է բողոքող ֆերմերների ներկայացուցիչ Ստեֆան Վյուտիկը։

Երեքշաբթի օրը Լեհաստանի մայրաքաղաքում տեղի է ունենում գյուղատնտեսական արհմիությունների կողմից կազմակերպված «Երթ դեպի Վարշավա», որը ֆերմերների համազգային բողոքի գագաթնակետն է։

Երբ շարասյունը հասել է խորհրդարանի շենք, ցուցարարների պատվիրակությանը ընդունել է Սեյմի խոսնակ Շիմոն Հոլովնիան։

«Ոչ մի կոնկրետություն չկար: Բանախոսն առաջարկեց, որ Սեյմում ստեղծվեն աշխատանքային խմբեր՝ գյուղատնտեսության համար լուծումներ մշակելու համար: Առայժմ՝ ոչ ավելին»,- ասաց Վյութիկը՝ հավելելով․

«Բողոքի ցույցերը կշարունակվեն այնքան ժամանակ, քանի դեռ մեր պահանջները չիրականանան»։

Սեյմից հետո բողոքող ֆերմերների շարասյունը շարժվել է դեպի Լեհաստանի վարչապետի գրասենյակի շենք։ Վարչապետ Դոնալդ Տուսկն այս պահին Պրահայում Վիշեգրադյան խմբի գագաթնաժողովում է։ Նրա գրասենյակի ղեկավար Յան Գրաբեցը բանակցություններ է վարում ֆերմերների պատվիրակության հետ։

Ցուցարարների հիմնական պահանջներն են՝ դադարեցնել Ուկրաինայից գյուղատնտեսական ապրանքների ներմուծումը Լեհաստան և հրաժարվել Եվրամիության բնապահպանական ծրագրերից (այսպես կոչված՝ Կանաչ գործարքը), որը նախատեսում է մինչև 2050 թվականը մթնոլորտ արտանետումների զրոյականացում։