Մոբիլիզացիայից խուսափած ուկրաինացին խեղդվել է՝ փորձելով հասնել Ռումինիա

Ուկրաինացի սահմանապահները Տիսա գետից հայտնաբերել են մոբիլիզացիայից ևս մեկ խուսափողի դին, որը փորձում էր անօրինական կերպով հատել Ռումինիայի սահմանը։ «ՌԻԱ նովոստի»-ն հայտնում է, որ այդ մասին երեքշաբթի հայտնել է Ուկրաինայի պետական սահմանապահ ծառայության արևմտյան տարածաշրջանային տնօրինությունը։

«Այսօր առավոտյան սահմանի գետային հատվածում պարեկություն կատարելիս սահմանապահները Տիսայում հայտնաբերել են առանց կենդանության նշանների տղամարդու դի, որը դուրս է բերվել ջրից։ Պարզվել է, որ մահացածը Իվանոյի բնակիչ է, Ֆրանկիվսկի մարզից՝ ծնված 2002 թվականին»,-ասվում է գերատեսչության ֆեյսբուքյան էջում հրապարակված հաղորդագրության մեջ։

Նշվում է, որ 2022 թվականի փետրվարից սահմանապահները հայտնաբերել են 21 տղամարդու դի, որոնք, փորձելով խուսափել մոբիլիզացիայից, Անդրկարպատյան շրջանի և Ռումինիայի սահմանին խեղդվել են Տիսայում։