ՊՍԺ-ի գլխավոր մարզիչը հաստատել է ակումբից Մբապեի հեռանալը

Ֆրանսիական ֆուտբոլային ՊՍԺ ակումբի գլխավոր մարզիչ Լուիս Էնրիկեն հաստատել է, որ հարձակվող Կիլիան Մբապեն կլքի թիմը։ «Գազետա ռու» -ի փոխանցմամբ, սոցիալական ցանցերում հայտնել է լրագրող Ֆաբրիցիո Ռոմանոն։

«Ըստ ամենայնի, Կիլիան Մբապեի համար ՊՍԺ-ում առաջիկայում ապագա չի լինի: Ուստի մենք ստիպված կլինենք մարտավարություն փորձարկել այլ խաղացողների հետ»,-ասել է Էնրիկեն:

Մբապեն դեռ պայմանագիր չի կնքել Մադրիդի «Ռեալի» հետ և բանակցություններ է վարում անձնական պայմանների շուրջ։ ՊՍԺ-ն ցանկանում է, որ խաղացողը նոր թիմում հրաժարվի իր բոնուսի մի մասից, քանի որ նա խոստացել է ակումբին, որ անվճար չի հեռանա:

Միաժամանակ հարձակվողն արդեն համաձայնել է հրաժարվել ՊՍԺ-ից ստանալ իրեն հասանելիք 80 միլիոն եվրոյի չափով լոյալության բոնուսը։