Ադրբեջանում կմեծացվի զորավարժությունների ինտեսիվությունը

Ադրբեջանի պաշտպանության նախարար Զաքիր Հասանովը երկրի զինված ուժերի կենտրոնական հրամանատարական կետում կայացած պաշտոնական հանդիպման ժամանակ կարգադրել է մեծացնել զորավարժությունների ինտենսիվությունը և գործնական պարապմունքները երկրի զինված ուժերի ստորաբաժանումներում։ Գազետա.ռու-ի հաղորդմամբ, այս մասին հայտնում է Ադրբեջանի ՊՆ մամուլի ծառայությունը։

Նա նշել է մարտական պայմաններում անցկացվող վարժանքների և գործնական պարապմունքների ինտենսիվության հետագա ավելացման կարևորությունը՝ օգտագործելով ժամանակակից սպառազինություն, տեխնիկա և ծառայության համար ընդունված այլ մարտական տեխնիկա։

Նշվում է, որ զինվորականներին հանձնարարված է զորամասերում պահպանել մարտական պատրաստվածության բարձր մակարդակ։