«Լադանիվա» խումբը մասնակցել է «Եվրատեսիլի» բացման արարողությանը

«Լադանիվա» խումբը մասնակցել է «Եվրատեսիլի» բացման` «Փիրուզագույն գորգի» արարողությանը։

Ժակլինի զգեստը մոդելավորել է Մերի Ստեփանյանը։ Զգեստն ամբողջականացրել են Վանի Շամշիկ կոչվող թռչնազարդը, որը պտղաբերության խորհրդանիշ է։ Մատանիները խորհրդանշում են կենաց ծառը, իսկ թևնոցը հայկական գոտու դետալ է: Այս աքսեսուարները հայերը ստեղծել և կապել են 16-19-րդ դարերում։ Զարդերը «Ագուլեցի» թանգարանի նմուշներ են. դրանց ժամանակակից ոճավորման հեղինակը Աստղիկ Սամվելյանն է:

Հիշեցնենք, որ «Լադանիվա»-ն «Եվրատեսիլ 2024»-ին մասնակցում է Jako երգով։

«Եվրատեսիլ 2024» երգի մրցույթի կիսաեզրափակիչները տեղի կունենան մայիսի 7-ին, 9-ին, եզարափակիչը մայիսի 11-ին Շվեդիայի Մալմյո քաղաքում: Մրցույթին մասնակցում է 37 երկիր։

«Լադանիվա»-ն Եվրատեսիլ 2024-ի երկրորդ կիսաեզրափակչում ելույթ կունենա 8-րդ համարի ներքո։