«Ժողովուրդ». ՔՊ ներսում անհանգստություններն անցել են. Ինչո՞վ է պայմանավորված

«Ժողովուրդ» թերթը գրում է.

«Իշխանության ներսում անհանգստություններն այլևս անցել են, ՔՊ-ում վստահ են՝ այս պահին իրենց իշխանությանը վտանգ չի սպառնում:

Բանն այն է, որ վերջին օրերին անհնազանդության ակցիաների ու հանրահավաքների դադարը ուրախացրել է ՔՊ-ին: Իշխանականները հույսը դրել են այն բանի վրա, որ եթե անգամ անհնազանդության ակցիաները վերսկսվեն, դրանք այլևս այն մեծ թափով չեն լինի, ինչ շարժման առաջին օրերին: Ներքին քննարկումներում էլ նրանց մեծ մասը կարծիք է հայտնել, որ անհանգստանալ պետք չէ. «վտանգն» այլևս անցել է. մարդիկ էլ չեն հավաքվի:

Հենց սրանով պայմանավորված էլ՝ վերջին օրերին իշխանականները կրկին ակտիվացել են ու խորհրդարանում ավելի «խրոխտ» ելույթներ են ունենում, ծաղրում Սրբազանին»։

Մանրամասները թերթի այսօրվա համարում։