Վերջին տարիներին Հայաստան միջազգային փոխանցումների թիվը էականորեն նվազել է.Մարտին Գալստյան

«Վերջին տարիներին, նաև նախորդ տարի դեպի Հայաստան միջազգային փոխանցումների թիվը էականորեն նվազել է»,-ասուլիսում հայտնեց ԿԲ նախագահ Մարտին Գալստյանը՝ ներկայացնելով 2023թի ֆինանսական կայունության հաշվետվությունը։

Նրա խոսքով՝ մեկ տասնամյակ առաջ դրամական փոխանցումների տեսակարար կշիռը ՀՆԱ–ի մեջ մոտավորապես 18 % էր, իսկ հիմա այն միանիշ թիվ է։

Մարտին Գալստյանի խոսքով՝ դրան նպաստող գործոններից մեկը աշխարհաքաղաքական զարգացումներն են, քանի որ ՀՀ քաղաքացիենրի համար տրադիցիոն աշխատանքի վայրը եղել է Ռուսաստանի Դաշնությունը և այնտեղ տեղի ունեցող իրադարձություններն իրենց ազդեցությունն են ունենում այդ ցուցանիշի վրա։

Ըստ Գալստյանի, դրան նպաստել է նաև դրամով և ռուբլով արտահայտված աշխատավարձերի տարբերության էական նվազումն է և Ռուսաստանում աշխատելու գայթակղությունն ու գրավչությունը բավականին նվազել է։

Երրորդ գործոնն էլ պայմանավորված է ռուս–ուկրաինական կոնֆլիկտի արդյունքում այն հսկայական դրամական փոխանցումներով, որոնք մուտք են գործել ՀՀ 2022-ին։