«Հրապարակ». ԱԺ շենքի ներսում մարտական ավտոմատներով Փաշինյանի անվտանգությունն ապահովել է միանգամից 4 ուժային կառույց

«Հրապարակ» թերթը գրում է.

«Բաղրամյան պողոտայում տեղի ունեցած բախման ժամանակ, մեր տեղեկություններով, ԱԺ շենքի ներսում մարտական ավտոմատներով Նիկոլ Փաշինյանի անվտանգությունն ապահովել է միանգամից 4 ուժային կառույց՝ ԱԱԾ 2 ստորաբաժանում՝ «Ալֆան» և նորաստեղծ հատուկ ջոկատայինները, ՀՀ ՆԳՆ քրեական ոստիկանության հատուկ ջոկատայինները, ՊՊԾ-ն։

Ամերիկյան մարտաֆիլմերում անգամ նման բան չես տեսնի։ Իրավապահ համակարգում ասում են՝ նախկինում նման բան երբևէ չի եղել: Իսկ ինչո՞վ չի բավարարել Փաշինյանին իր ձևավորած ՊՊԾ-ն: Պատճառը թերևս նրա կասկածամտությունն է` վստահ չէ, որ մի կառույցը պատշաճ կծառայի: Փորձում է Վահե Ղազարյանի, Արմեն Աբազյանի, Արմեն Գասպարյանի նվիրվածությունը և մի կառույցով վերահսկում մյուսին»։

Մանրամասները թերթի այսօրվա համարում։