Ֆրանսիայում այրվում է գոթական հայտնի Ռուանի տաճարի աշտարակը

Հրդեհը բռնկվել է Ֆրանսիայում աշխարհի ամենաբարձր գոթական տաճարներից մեկի՝ հայտնի Ռուանի տաճարի աշտարակում։ Այս մասին հայտնում է BFMTV-ն։

Ինտերֆաքսի փոխանցմամբ, հրդեհի պատճառները դեռևս անհայտ են։ Արտակարգ դեպքի պահին աշխատանքներ էին տարվում աշտարակի վրա։

Հրդեհի մարմանը մասնակցել է 63 մարդ, ներգրավվել է 33 մեքենա։ Տաճարը շրջափակված է։
Ֆրանսիայի Ռուան քաղաքի գոթական տաճարը կառուցվել է 12-16-րդ դարերում։ Մետաղական աշտարակը կանգնեցվել է 19-րդ դարում։