Հոլանդը Մբապեի պատճառով փոխել է «Ռեալ» տեղափոխվելու որոշումը

«Մանչեսթեր Սիթիի» և Նորվեգիայի հավաքականի հարձակվող Էրլինգ Հոլանդն այլևս հետաքրքրված չէ «Ռեալ» տեղափոխվելով։ Այս մասին հայտնում է FourFourTwo-ն։

Ըստ աղբյուրի, հարձակվողը մտափոխվել է Կիլիան Մբապեի՝ Մադրիդի «Ռեալ» տեղափոխվելուց հետո։ Այժմ նա վստահ չէ, որ մադրիդյան ակումբի մեկնարկային կազմում կլինի։

Գազետա.ռու-ի հաղորդմամբ, այնուամենայնիվ, Հոլանդը դեռ մտածում է «Մանչեսթեր Սիթիից» հեռանալու մասին և ցանկանում է իր ուժերը փորձել Իսպանիայի Լա Լիգայում: Այս պահին նա նախընտրում է «Բարսելոնան» որպես պոտենցիալ նոր ակումբ:

Աղբյուրը նաև նշում է, որ Հոլանդի պայմանագրում, որը նախատեսված է մինչև 2027 թվականը, գնման կետ կա, որը կարող է ակտիվացվել 2025 թվականից, եթե իսպանական գրանդն առաջարկ անի Սիթիին։
Անցած մրցաշրջանում հարձակվողը «Մանչեսթեր Սիթիի» կազմում անցկացրել է 45 հանդիպում բոլոր մրցաշարերում՝ դառնալով 38 գոլի և 6 գոլային փոխանցման հեղինակ։