Ռուսական ինքնաթիռը է թռել Թուրքիա՝ կալանավորների փոխանակման մասին տեղեկատվության ֆոնին

Ռուսաստանի և Արևմուտքի միջև հնարավոր կալանավորվածների փոխանակման մասին լուրերի ֆոնին «Ռոսիա» թռիչքային ջոկատի ինքնաթիռը օդ է բարձրացել և ուղղվել Թուրքիա: Այդ մասին են վկայում Flightradar 24 ծառայության տվյալները։

Ծառայության տվյալներով՝ մոտավորապես ժամը 12:40-ին «Վնուկովո» օդանավակայանից օդ է բարձրացել Տու-204-ն՝  RA-64059 համարով։ Սպասվում է, որ ինքնաթիռը վայրէջք կկատարի Անկարայում տեղական ժամանակով մոտավորապես 15:10-ին:

Այս ինքնաթիռը սովորաբար օգտագործում են ռուս բարձրաստիճան պաշտոնյաները։ Օրինակ, դատելով ծառայության տվյալներից, ինքնաթիռը վերջերս թռիչք է կատարել Սանկտ Պետերբուրգի, Սոչիի և Մոսկվայի միջև։

Միևնույն ժամանակ, ըստ Flightradar 24-ի, Օսլոյից Անկարա է թռչել ամերիկյան Dassault Falcon 7X մասնավոր ինքնաթիռը։ Հուլիսի 30-ին ինքնաթիռը Վաշինգտոնից մեկնել է Նորվեգիա։ Դատելով ծառայության տվյալներից՝ ինքնաթիռն այժմ թռչում է Լեհաստանի տարածքով։

«Գազետա ռու»-ն գրում է, որ հուլիսի 31-ին Reuters-ը հայտնել էր, որ Ռուսաստանի և արևմտյան երկրների միջև պատրաստվում է մեծամասշտաբ գերիների փոխանակում։