Օլիմպիական խաղերի մասնակից Նոր Զելանդացի եռամարտիկը Սենում լողալուց հետո վարակվել է աղիքային ցուպիկով

Նորզելանդացի եռամարտիկ Հեյդեն Ուայլդը պատմել է, որ Օլիմպիական խաղերում Սենում լողալուց հետո իր մոտ աղիքային ցուպիկ վարակի ախտանիշներ են եղել։ Լուրը հայտնում է 1news-ը։

«Ուղղակի բախտս բերեց, որ միայն մեկ օր հիվանդացա աղիքային ցուպիկով հնարավոր վարակի պատճառով»,-ասել է մարզիկը:

Վերջին 100 տարում պաշտոնապես արգելված է լողալ Սենում։ Կոյուղու ջուրը երկար ժամանակ լցվել է գետ, այնտեղ նետվել են նաև աղբ ու թունավոր թափոններ, ինչը հանգեցրել է ջրի լայնածավալ աղտոտման։ Գետում նույնիսկ ձուկ չկա։

2024 թվականի Օլիմպիական խաղերի կազմակերպիչները 1,4 միլիարդ եվրո են ծախսել Սենի մաքրման վրա և կառուցել ստորգետնյա ջրամբար, որտեղ այժմ հոսում են կեղտաջրերը: