Էլինա Ավանեսյանը կմասնակցի Ցինցինատիի մրցաշարի հիմնական փուլին

Թենիսիստուհի, աշխարհի 58-րդ ռակետ Էլինա Ավանեսյանը, ով նախկինում ներկայացնում էր Ռուսաստանը, իսկ այժմ հանդես է գալիս Հայաստանի դրոշի ներքո, կմասնակցի Ցինցինատիի մրցաշարի հիմնական փուլին։

sportball24.com-ը գրում է, որ Էլինա Ավանեսյանը սկզբում չէր կարողացել նվաճել մրցաշարի ուղեգիր՝ որակավորման փուլի եզրափակչում պարտվելով բրիտանացի թենիսիստուհի Հարիետ Դարթին։ Այնուամենայնիվ, մրցաշարի կանոնակարգի համաձայն, որը թույլ է տալիս որոշ խաղացողների, ովքեր պարտվել են որակավորման եզրափակչում, տեղ զբաղեցնել հիմնական փուլում, եթե այլ մարզիկներ հրաժարվեն մասնակցել, Էլինան ստացել է մրցելու երկրորդ հնարավորությունը։

Առաջին փուլում Էլինա Ավանեսյանը կհանդիպի 24-ամյա կանադացի թենիսիստուհի Բիանկա Անդրեեսկուի հետ, ով WTA-ի դասակարգման աղյուսակում 166-րդն է։