Գյումրի քաղաքի քաղաքային մարզադաշտը 100 տարեկան է

Գյումրի քաղաքի «Շիրակը» տնային խաղերն անցկացնում է Հայաստանի հնագույն մարզական կառույցներից քաղաքային մարզադաշտում, որը հիմնադրվել է 1921 թվականին: Բացումը տեղի է ունեցել 1924 թվականին: Վերանորոգվել է 1998, 2010 և 2019 թվականներին:Ունի 4250 նստատեղ, չորս մուտք, ավտոկայանատեղիներ: Այս մասին հայտնում է ակումբի պաշտոնական կայքը։

Մինչև 1988 թվականի ավերիչ երկրաշարժը մարզադաշտն ընդունել է մինչև 10 հազար երկրպագու:

2022 թվականին մարզադաշտում տեղադրվել է լուսավորության ժամանակակից համակարգ, ինչը թույլ է տալիս հանդիպումներ անցկացնել նաև երեկոյան ժամերին: