Մասնագետները բացատրում են, թե ինչու է թռիչքի ժամանակ վտանգավոր ալկոհոլ օգտագործելը

Որոշ մարդիկ փորձում են հաղթահարել իրենց վախը թռիչքից առաջ ալկոհոլով, սակայն այս սովորությունը կարող է մահացու լինել։ Այս եզրակացությանն են հանգել Գերմանիայի օդատիեզերական բժշկության ինստիտուտի գիտնականները։

Նրանց ուսումնասիրությունը ցույց է տվել, որ թռիչքի ընթացքում ալկոհոլի և բարձրության վրա ճնշման համադրությունը կարող է քնած ուղևորների սրտի աշխատանքի վրա ազդել։  Այս համադրությունը, ըստ մասնագետների, նվազեցնում է արյան մեջ թթվածնի մակարդակը և բարձրացնում սրտի կծկումների հաճախությունը նույնիսկ երիտասարդների շրջանում:

Ինքնաթիռում ալկոհոլ խմելը առողջության վտանգ է, որից կարելի է հեշտությամբ խուսափել: