Եկատերինբուրգում անհայտ անձը կրակ է բացել ուղևորներով երթուղային ավտոբուսի վրա

Եկատերինբուրգում Կվարցևայա կանգառում հրաձգություն է տեղի ունեցել։ Այս մասին հայտնում է Ura.ru-ն՝ հղում անելով տեղական սոցիալական էջերին։

Աղբյուրի փոխանցմամբ՝ անհայտ անձը մի քանի անգամ կրակել է թիվ 47 երթուղիով ընթացող ավտոբուսի վրա։ Արդյունքում կոտրվել է պատուհաններից մեկի ապակին, սակայն տուժածներ չկան։ Կադրերում երևում է, որ ավտոբուսում ուղևորներ կան։ Առայժմ հայտնի չէ, թե ով է կրակ բացել և ինչ զենքից է կրակել։

Ականատեսներից մեկի խոսքով՝ մարդիկ չեն հասկացել, թե ինչ է տեղի ունեցել. Տեղի բնակիչները պարզապես փորձել են որքան հնարավոր է հեռու մնալ ավտոբուսից։