Հայտնի է դարձել, թե ամերիկյան պատժամիջոցների պատճառով որքան միջոցներ են կորցրել թուրքական բանկերը

Թուրքական բանկերը 2024 թվականի 8 ամիսների ընթացքում Ռուսաստանի դեմ ԱՄՆ պատժամիջոցների ճնշման պատճառով արտահանման եկամուտից կորցրել են մոտ 2 միլիարդ դոլար։ Այս մասին «ՌԻԱ նովոստի»-ին ասել է թուրք տնտեսական մեկնաբան Մուստաֆա Ռեջեփ Էրչինը։

Նրա խոսքով, Թուրքիայի և Ռուսաստանի միջև տնտեսական հարաբերություններն ամբողջությամբ չեն վատանա, սակայն հնարավորությունները են բաց  թողնվել։

«Ինչպե՞ս է Ռուսաստանը հույսը դնելու Թուրքիայի վրա, երբ նա խնդիրներ ունենա։ Վստահ եմ, որ Կրեմլի տնտեսական բլոկի աշխատակազմը տալիս է այս հարցը։ Թուրք գործընկերները նույնպես պետք է մտածեն այս մասին»,-նշել է Էրչինը։