Բլինքենն Ալիևի հետ հեռախոսով քննարկել է հայ-ադրբեջանական հարաբերությունները

Սեպտեմբերի 16-ին ԱՄՆ պետքարտուղար Էնթոնի Բլինքենը զանգահարել էր Ադրբեջանի նախագահ Իլհամ Ալիևին։ Այդ մասին հայտնել են ադրբեջանական լրատվամիջոցները։

Կարևորելով Հայաստանի և Ադրբեջանի միջև կայուն խաղաղությունը՝ Էնթոնի Բլինքենն ասել է, որ Ամերիկայի Միացյալ Նահանգները կշարունակեն ջանքեր գործադրել այդ նպատակին հասնելու համար։ Նա դրական քայլ է գնահատել Հայաստանի և Ադրբեջանի միջև սահմանների սահմանազատման ոլորտում ձեռքբերումները, այդ թվում՝ 2024 թվականի օգոստոսի 30-ին համապատասխան կարգով պետական սահմանի սահմանազատման հանձնաժողովների համատեղ գործունեության կանոնակարգի ստորագրումը։