Իրանը հայտարարել է Թել Ավիվի մոտ իսրայելական երեք ռազմաբազաների հրթիռակոծման մասին

Իրանի կողմից հարձակման են ենթարկվել Թել Ավիվի մերձակայքում գտնվող երեք ռազմաբազաներ, հայտնում է իրանական Mehr գործակալությունը՝ հղում անելով Իրանի Իսլամական հեղափոխության պահապանների կորպուսի (ԻՀՊԿ, Զինված ուժերի էլիտար ստորաբաժանումների) հայտարարությանը։

«Թել Ավիվի մերձակայքում գտնվող իսրայելական երեք ռազմաբազաներ հարձակման թիրախ են դարձել»,-ասվում է զեկույցում։

Իրանական Etemad Online թերթը գրում է, որ Իրանի կողմից հրթիռային հարձակման հետևանքով խոցվել է Իսրայելի ռազմական օդանավակայանը։

«Իրանական հրթիռները հարվածել են Իսրայելի տարածքում գտնվող ռազմական օդանավակայանին»,-գրում է թերթը։