Թուրքիայում խոսել են Ռուսաստանի հետ առևտրի պատճառով ԱՄՆ-ի սպառնալիքների մասին

Թուրքիան ստիպված է կրճատել Ռուսաստանի հետ առևտուրը՝ տեղական բանկերին SWIFT համակարգից անջատելու ԱՄՆ սպառնալիքների և դոլարով վճարումների պատճառով։ Այդ մասին «ՌԻԱ նովոստի»-ին ասել է թուրքական Vatan (Հայրենիք) կուսակցության փոխնախագահ Հաքան Թոփքուրուլուն։

Օգոստոսին ԱՄՆ-ը Թուրքիային սպառնացել էր հետևանքներով, եթե նա չսահմանափակի ամերիկյան մի շարք ապրանքների արտահանումը Ռուսաստան, գրում է Financial Times թերթը։ ԱՄՆ առևտրի նախարարի օգնական Մեթյու Աքսելրոդը պարբերականին ասել էր, որ Թուրքիան պետք է դադարեցնի «ամերիկյան տեխնոլոգիաների հոսքը դեպի Ռուսաստան»։

Թուրքիայի մայրաքաղաքում դիվանագիտական աղբյուրը «ՌԻԱ նովոստի»-ին հայտնել է, որ Թուրքիան չի մասնակցում Ռուսաստանի դեմ արևմտյան պատժամիջոցները շրջանցելու գործընթացին։
«Թուրքիան չի կարող ընդդիմանալ Վաշինգտոնի ճնշմանը՝ SWIFT համակարգի և դոլարի հետ

միջազգային առևտրի վրա էմբարգո կիրառելու ԱՄՆ սպառնալիքի պատճառով»,- ասել է Թոփքուրուլուն՝ ընդգծելով, որ Անկարան առևտրի մեծ մասն իրականացնում է ամերիկյան արժույթով։