Ֆլորիդայում հինգ միլիոն մարդ է տարհանվել

«Հելեն» փոթորկի բոլոր հետևանքները դեռ չվերացված, ԱՄ-ում հիմա էլ մոլեգում է «Միլթոնը»։ Ըստ The New York Times-ի, իշխանությունները ստիպված են եղել տարհանել Ֆլորիդա նահանգի ավելի քան հինգ միլիոն բնակիչի։

«Ավելի քան 5,5 միլիոն մարդ ստիպված է եղել լքել Ֆլորիդայի արևմտյան ափը, ինչը նահանգի պատմության մեջ ամենախոշոր տարհանումներից մեկն է»,- գրում է թերթը։

kp.ru-ի հաղորդմամբ, տեղի բնակիչները լրջորեն են վերաբերել զգուշացմանը, ինչի պատճառով որոշ տարածքներ դատարկ են թվում: Հաղորդվում է, որ տարհանվածները գնացել են մոտակա ապաստարաններ։