Իսրայելը ձերբակալել է Թել Ավիվում երկնաքերերը պայթեցնել պլանավորողներին

Իսրայելի անվտանգության գլխավոր ծառայության (Շին Բեթ) ուժերը և Գիդոնիմ 33 ոստիկանության հատուկ ստորաբաժանման անդամները խոշոր ահաբեկչություն են կանխել Թել Ավիվի «Ազրիելի» առևտրի կենտրոնում, ձերբակալվել են ԻՊ-ի կողմից հավաքագրված հինգ կասկածյալ։ Այդ մասին հինգշաբթի օրը հայտնեցին ոստիկանության լրատվական ծառայությունից:

«Կենտրոնական շրջանի ոստիկանությունը, «Գիդոնիմ 33» հատուկ նշանակության ջոկատի զինվորները և «Շին Բեթ»-ի ուժերը կանխել են խոշոր ահաբեկչություն Թել Ավիվի «Ազրիելի» առևտրի կենտրոնում, որը ծրագրել էին Թայբեի հինգ բնակիչներ, որոնք ստեղծել էին ահաբեկչական բջիջ, որը կապված է ԻՊ-ի հետ»,-«ՌԻԱ նովոստի»-ին փոխանցում է հաղորդագրության տեքստը։

Թել Ավիվում գտնվող «Ազրիելի» առևտրի կենտրոնը քաղաքի ամենահիններից է և ամեն օր այցելում են հազարավոր մարդիկ: Այն գտնվում է երեք աշտարակների հիմքում, որոնցից յուրաքանչյուրը ավելի քան 150 մետր բարձրություն ունի:

Ոստիկանության տվյալներով՝ Իսրայելի 5 քաղաքացի ահաբեկչություն էին ծրագրում պայթուցիկներով լի մեքենայով, ձերբակալվել են, իսկ ոստիկաններն առգրավել են նրանց զենքերը։ Նշվում է, որ ձերբակալվածներից երկուսը հավատարիմ են եղել ԴԱԻՇ-ի գաղափարախոսությանը և ծրագրել են մեկնել մարտական շրջան, ինչպես նաև կապ պահպանել ահաբեկիչների օտարերկրյա ներկայացուցիչների հետ։

Հետաքննությունը պարզել է, որ խմբավորման անդամները դիտել են Սիրիայում ահաբեկչական հարձակումների տեսագրությունները և քննարկել պայթուցիկների քանակը, որոնք անհրաժեշտ են աշտարակները պայթեցնելու համար, որոնց բազայում գտնվում է առևտրի կենտրոնը։

Մամուլի ծառայությունը հավելել է, որ առաջիկա օրերին դատարանը ձերբակալվածներին մեղադրանք է առաջադրելու անվտանգության հետ կապված ծանր հանցագործությունների համար։