Ամենից շատ կարդացված նյութեր
.png "Վրաստանում նախազգուշացրել են ընտրություններից առաջ կեղծ տեսանյութերի հնարավոր տարածման մասին")
Վրաստանում նախազգուշացրել են ընտրություններից առաջ կեղծ տեսանյութերի հնարավոր տարածման մասին
Վրաստանում մի խումբ մարդիկ հոկտեմբերի 26-ին նշանակված խորհրդարանական ընտրություններից առաջ ծրագրում են հրապարակել պետական պաշտոնյաների կեղծ աուդիո և տեսաձայնագրություններ՝ իրավիճակը ապակայունացնելու համար։ ՏԱՍՍ-ը հայտնում է, որ այդ մասին հայտնում է Վրաստանի Պետական անվտանգության ծառայությունը (ԱԱՊԾ)։
«Քաղաքական շրջանակներին մոտ կանգնած խմբերը խորհրդարանական ընտրություններից մի քանի օր առաջ նախատեսում են արհեստական ինտելեկտի և այլ ժամանակակից տեխնոլոգիաների կիրառմամբ մոնտաժված և կեղծված տեսա և աուդիո նյութեր տարածել»,-ասվում է հայտարարության մեջ։
Ըստ Պետական անվտանգության ծառայության՝ դա արվելու է իշխանության թևերի, ինչպես նաև իշխանությունների և վրաց ուղղափառ եկեղեցու միջև առճակատում հրահրելու և Արևմուտքի հետ հարաբերությունները վատացնելու համար։
Կեղծված տեղեկատվությունը կներկայացվի որպես պետական անվտանգության ծառայությունից արտահոսած նյութ։ Դրա ստեղծողները հույս ունեն, որ այդ կերպ կկարողանան բարձրացնել բողոքի ոգին և երկրում ստեղծել ապակայունացման օջախներ։
«Մենք ուշադիր հետևում ենք այդ խմբերի գործունեությանը, և ցանկացած իրավախախտման դեպքում կձեռնարկվեն համապատասխան իրավական գործողություններ»,-եզրափակել են Պետական անվտանգության ծառայությունը։
Studio One