Միշել. Մտադիր ենք Վրաստանի հարցը քննարկել նոյեմբերին կայանալիք ԵԽ նիստում

«Հետևելով Վրաստանում տեղի ունեցած խորհրդարանական ընտրություններին՝ ես մտադիր եմ Վրաստանի հարցը մտցնել Բուդապեշտում կայանալիք ԵԽ ոչ պաշտոնական նիստի օրակարգում»,-X-ի իր էջում հայտարարել է ԵԽ նախագահ Շարլ  Միշելը՝ ավելացնելով, որ նոյեմբերի այդ նիստում  ԵԽ-ն կգնահատի իրավիճակը և կսահմանի հետագա քայլերը Վրաստանի հետ հարաբերություններում։

ԵԽ պաշտոնյան նշել է, որ իրենք ի գիտություն են ընդունել ԵԱՀԿ/ԺՀՄԻԳ-ի նախնական գնահատականը ընտությունների վերաբերյալ ու  կոչ են անում ՎրաստանիԿենտրոնական ընտրական հանձնաժողովին և այլ մարմիններին կատարել իրենց պարտականությունը՝ արագ, թափանցիկ և անկախ հետաքննել ընտրական խախտումներն ու դրանց վերաբերյալ պնդումները:

«Այս ենթադրյալ խախտումները պետք է լրջորեն պարզաբանվեն և լուծվեն։ Մենք կրկնում ենք ԵՄ-ի կոչն ուղղված վրացական ղեկավարությանը` ցույց տալ իր հավատարմությունը ԵՄ ճանապարհին»,-նշել է Շարլ ՄԻշելն ու Վրաստանի քաղաքական դաշտի ներկայացուցիչներին կառուցողական լինելու ու երկխոսության կոչ արել։

Հիշեցնենք, որ հոկտեմբերի 26-ին կայացած ընտրությունների արդյունքում նախնական տվյալներով իշխող  «Վրացական երազանքը» հավաքել է ձայների 53,92 տոկոսը։  Ընդդիմությունը չի ընդունում արդյունքներն ու կոչ է արել քաղաքացիներին այսօր դուրս գալ փողոց։
 

Following the parliamentary elections in Georgia, I intend to put Georgia on the agenda of the informal #EUCO in Budapest.

We note the OSCE/ODIHR preliminary assessment and call on the Central Election Commission and other relevant authorities to fulfil their duty to swiftly,…

— Charles Michel (@CharlesMichel) October 27, 2024