Հույս ունենք տեսանելի ապագայում Հայաստանը կվերադառնա ՀԱՊԿ լիարժեք մասնակցությանը. գլխավոր քարտուղար

«Մենք համարում ենք, որ Հայաստանը եղել և մնում է մեր դաշնակիցը և հույս ունենք, որ տեսանելի ապագայում Հայաստանը կվերադառնա կազմակերպության  լիարժեք մասնակցությանը»,-  Աստանայում հայտարարել է ՀԱՊԿ գլխավոր քարտուղար  Իմանղալի Թասմագամբետովը:

Հիշեցնենք, որ Աստանայում անցկացվում  է ՀԱՊԿ գագաթնաժողովը, որին Հայաստանը չի մասնակցում:

Թասմագամբետովը մեկնաբանել է Հայաստանի իշխանությունների որոշումը՝ սառեցնել անդամակցությունը ՀԱՊԿ-ին։

Նա նշել է, որ Հայաստանի ղեկավարության հայտարարությունները ինքնիշխան պետության իշխանությունների գործողություններն են, և ոչ մի կազմակերպություն չի կարող լիովին ազդել որոշման վրա։