Տուգանային հրապարակից մոպեդների ու մեքենաների անհետացման գործով ՆԳՆ–ն քննություն է սկսել

Sputnik Արմենիայի տեղեկություններով, ՆԳՆ պարեկային ծառայությանտուգանային հրապարակից մոտ 2 տասնյակ մոպեդներ և ավտոմեքենաներ են անհետացել։ Լուրեր են շրջանառվում, որ անհետացումների հետ անմիջական կապ ունեն պարեկներից մի քանիսը։

Գրավոր հարցումով ՆԳՆ-ին խնդրել էին հայտնել`արդյոք տարածքը տեսանկարահանվո՞ւմ է, անհետացումների մասով կա՞ն նախաձեռնված քրեական վարույթներ և արդյոք հայտնի՞ է անհետացած տրանսպորտային միջոցների հստակ քանակը և տեսակը։

 ՆԳՆ մամուլի ծառայությունից հայտնել են, որ ՆԳՆ պարեկային ծառայության տուգանային հրապարակից մոպեդների և ավտոմեքենաների անհետացման վերաբերյալ ՆԳՆ-ում քննություն է սկսվել։ 

«ՆԳՆ ներքին անվտանգության և հակակոռուպցիոն վարչությունում իրականացվում է ծառայողական քննություն»,- նշված է պատասխանում։

Գերատեսչությունից խոստացել են քննության արդյունքների մասին հավելյալ տեղեկացնել։