Սիրիայում Թուրքիայի դեսպանատունը վերաբացվել է 12 տարի անց

Դամասկոսում Թուրքիայի դեսպանատան շենքի վրա դրոշ է բարձրացվել՝ վերաբացվելով 12 տարի անց։ Այս մասինհայտնում է CNN TÜRK-ը։

Թուրքիայի դեսպանատունը Սիրիայում դադարեցրել է գործունեությունը 2012 թվականի մարտին՝ երկրների միջև հարաբերությունների վատթարացման պատճառով։

Վեստի.ռու-ի հաղորդմամբ, Թուրքիայի արտաքին գործերի նախարար Հաքան Ֆիդանը NTV հեռուստաալիքի եթերում հայտարարել է, որ դեսպանատունը կվերսկսի իր աշխատանքը դեկտեմբերի 14-ին։ Թուրքիայի նախագահ Ռեջեփ Թայիփ Էրդողանը հայտարարել է, որ թուրքական կողմը պատրաստ է աջակցություն ցուցաբերել Սիրիային երկրում մշտական խաղաղության և կայունության հասնելու հարցերում։