ՌԴ Արտակարգ իրավիճակների նախարարությունը պարզաբանել է, թե ինչու չեն մաքրում Սև ծով թափված նավթը

Սև ծովում ուժեղ փոթորկի պատճառով ափամերձ գոտում առայժմ հնարավոր չէ վերացնել նավթի արտահոսքը։ Այս մասին հայտնում է «Россия 24» հեռուստաալիքը՝ հղում անելով Կրասնոդարի երկրամասի քաղաքացիական պաշտպանության և արտակարգ իրավիճակների նախարար Սերգեյ Շտրիկովին։

«Այժմ ծովում մեծ փոթորիկ է, և ծովափրկարարական ծառայությունն այս պահին նման պայմաններում չի կարող աշխատել։ Այդ պատճառով, ափամերձ հատվածը մենք մշակում ենք սորբենտներով։ Ինչ վերաբերում է թակարդներին, ապա դրանք չեն աշխատում նման փոթորկի ժամանակ։ Եղանակը հանդարտվելուն պես, բնականաբար, լրացուցիչ աշխատանքներ կանենք՝ մաքրում, սորբենտներով աշխատել, համապատասխանաբար՝ թակարդներ տեղադրելով»,-ասել է Շտրիկովը։

Նախարարը հավելել է, որ շուտով Կուբանի նահանգապետ Վենիամին Կոնդրատիևի գլխավորությամբ հանդիպում է սպասվում Volgoneft 239 և Volgoneft 212 լցանավերից նավթի արտահոսքի խնդրով։