ԱԹՍ-ների մասայական հարձակում Կազանի վրա. Տուժածներին կտեղավորեն «Արմենիա» հյուրանոցում

Թաթարստանի մայրաքաղաք Կազանն այսօր առավոտյան ենթարկվել է անօդաչու թռչող սարքի զանգվածային հարձակման։

Ըստ իշխանությունների, ութ հարվածային անօդաչու թռչող սարքերից վեցը մխրճվել են բնակելի շինությունների, այդ թվում՝ երկու բարձրահարկ շենքերի մեջ:

Ուկրաինան չի մեկնաբանում Կազանի վրա անօդաչու թռչող սարքերի գրոհը։

«Արձանագրվել է ութ հաչձակում։ Դրանցից մեկը՝ արդյունաբերական ձեռնարկության, մեկը՝ գետի վրա, վեցը՝ բնակելի շնինությունների վրա են ընկել։ Ըստ տեղեկությունների՝ այս պահին զոհեր և վիրավորներ չկան»,- նման հաղորդագրություն է տարածել Թաթարստանի ղեկավարի մամուլի ծառայությունը։

ԶԼՄ-ների փոխանցմամբ, այն մարդիկ, որոնց բնակարններն ավերվել են ու չունեն հարազատներ, կտեղավորվեն «Արմենիա» հյուրանոցում։