Կխնդրեմ մեր քաղաքացիների մոտ սխալ ակնկալիքներ չսերմանալ. Ավանեսյան

«Որևէ բան անսահման չի լինում, առավել ևս եթե դա կապված է բյուջեի հետ»,- ասուլիսում ասաց առողջապահության նախարար Անահիտ Ավանեսյանը՝ պատասխանելով հարցին, որ տարվա վերջում լինում է  իրավիճակ, երբ ասում են՝ պետպատվերը վերջացել է։

Նա նշեց, որ առողջապահությունն ունի տարեկան բյուջե, որի շրջանակներում իրականացնում է  բուժսպասարկումը։

«Օֆերտային տրամաբանությունը նրանում է, որ ոչ թե ամեն բժշկական կենտրոն ունի պայմանագրային գումար և սահմանափակ ծառայությունների շրջանակ, մենք ունենք ամեն ծրագրի տարեկան և եռամսյակային, ամսական ընդհանուր չափեր, թե ինչքան կարող ենք ծառայություններ մատուցել։

Կխնդրեմ մեր քաղաքացիների մոտ սխալ ակնկալիքներ չսերմանալ՝ ասելով, որ ամեն ինչ պետք է լիներ սահմանափակ։ Որևէ բան անսահամանփակ չի լինում»,- ասաց Ավանեսյանը։