Զբոսաշրջության կոմիտեն դիմել է ԱԳՆ՝ կայքերից Սյունիքի վերաբերյալ վտանգավորության կարմիր գծերը հեռացնելու համար

Հայաստանի Զբոսաշրջության կոմիտեն գրություններ է ուղարկել Հայաստանի արտաքին գործերի նախարարություն, որպեսզի աշխատանքներ տանեն՝ տարբեր դեսպանատների կայքերից Սյունիքի վերաբերյալ վտանգավորության կարմիր գծերը հեռացնելու համար։ Այս մասին ասուլիսում հայտարարեց Զբոսաշրջության կոմիտեի նախագահ Լուսինե Գևորգյանը։

«Անկախ այն հանգամանքից, որ որոշ միջազգային կայքերում և դեսպանությունների էջերում Սունիքը նշված է կարմիր գծով, Սյունիքում կյանքը բուռն է, շատ լավ զարգանում է»,- ասաց նա։