Ցավոք սրտի դատարանը բավարարեց Էդգար Ղազարյանի դեմ բողոքը, բայց՝ մասնակի. Ռուբեն Մելիքյան

«Ցավոք սրտի դատարանը բավարարեց Էդգար Ղազարյանի դեմ բողոքը, բայց, բարեբախտաբար, մասնակի»,-Երևանի ընդհանուր իրավասության առաջին ատյանի քրեական դատարանի դիեմաց հայտնեց փաստաբան Ռուբեն Մելիքյանը՝ ներկայացնելով կայացած դատական նիստում հրապարակած որոշումը։

նա նշեց, որ իրականություն դարձավ այն մտավախությունը, որ այդ քայլն ուղղված է Էդգար Ղազարյանի խոսքի ազատությունը սահմանափակելուն։

 «Սահմանափակվեց Էդգար Ղազարյանի խոսքի ազատությունը, բայց այն միայն վերաբերում է դատավորներին, դատախազներին, քննիչներին, փաստաբաններին և հարկադիր կատարողներին»,-հայտնեց Ռուբեն Մելիքյանը։

նա նշեց, որ Ղազարյանը վարչական հսկողության տակ է և իրավունք չունի նրանց մասին հրապարակային արտահայտվել։

Փաստաբանը հայտնեց, որ դատարանի այդ որոշումը կբողոքարկեն վերաքննիչ դատարանում։