ԱՄՆ-ում Ուկրաինայի դեսպանը՝ Թրամփ-Զելենսկի վիճաբանության ընթացքում

ԱՄՆ-ում Ուկրաինայի դեսպան Օքսանա Մարկարովան նախօրեին Վաշինգտոնում ԱՄՆ նախագահ Թրամփի և Ուկրաինայի նախագահ Վլադիմիր Զելենսկու հանդիպման ընթացքում, երբ իրավիճակը լարվել է, սկսել են երկրների առաջնորդներն իրար ուղղված կոշտ արտահայտություններ, հուզվել է։

Զելենսկու և Սպիտակ տան ղեկավարի հանդիպումը տեղի է ունեցել փետրվարի 28-ին Վաշինգտոնում։ Լրատվամիջոցների հետ զրույցում ուկրաինացի քաղաքական գործիչը բազմիցս ընդհատել է Թրամփին կամ կոպիտ պատասխանել տեղի լրագրողների հարցերին։

ԱՄՆ նախագահը Զելենսկիին մեղադրել է Ամերիկայի նկատմամբ անհարգալից վերաբերմունքի մեջ։ Fox News-ի փոխանցմամբ՝ Թրամփը վիճաբանությունից  հետո «վռնդել է» Զելենսկուն, արդյունքում, Վաշինգտոնի և Կիևի միջև հազվագյուտ հողային մետաղների մասին գործարքի կնքումը չեղարկվել է։