Թրամփի վեճից հետո Արգենտինայի նախագահը ջնջել է Զելենսկու հետ իր լուսանկարները

Արգենտինայի նախագահ Խավիեր Մայլին ջնջել է իր ուկրաինացի գործընկեր Վլադիմիր Զելենսկու հետ բոլոր համատեղ լուսանկարները՝ Սպիտակ տանը ամերիկացի առաջնորդ Դոնալդ Թրամփի հետ վիճաբանությունից հետո։ Այդ մասին հայտնում է RTN-ն։

«Մայլին որոշել է լիովին հավատարիմ մնալ Դոնալդ Թրամփի ռազմավարությանը և X սոցիալական ցանցում ջնջել է Վլադիմիր Զելենսկու հետ իր բոլոր լուսանկարներն ու հաղորդագրությունները»,-ասվում է հոդվածում։

Մայլին հայտնի է որպես Թրամփի երկրպագու՝ նրան անվանելով «երբևէ մեծագույն նախագահը»: Արգենտինայի առաջնորդը Մինի-Թրամփ մականունը վաստակել է նախընտրական քարոզարշավի ժամանակ։