Եվգենի Պետրոսյանը ներքին արյունահոսությամբ շտապ տեղափոխվել է հիվանդանոց

Հեռուստահաղորդավար և կատակերգու Եվգենի Պետրոսյանը հոսպիտալացվել է Մոսկվայի հիվանդանոցներից մեկում։ Այս մասին հայտնում է REN TV-ն՝ հղում անելով իր աղբյուրին։

«Ստամոքս-աղիքային արյունահոսությամբ հոսպիտալացվել է»,- ասվում է հրապարակման մեջ։

Ըստ տեղեկությունների, Պետրոսյանը ծանր վիճակում գտնվում է վերակենդանացման բաժանմունքում։ «112» Telegram ալիքը հայտնել է, որ արտիստն այսօր առավոտյան վատ է զգացել, և նրա հարազատները շտապօգնություն են կանչել։

Պետրոսյանի կինը՝ Տատյանա Բրուխունովան, հրաժարվել է մեկնաբանություն տալ։