Al Jazeera. Սիրիայի նոր իշխանությունների անվտանգության ուժերը Դամասկոսում հետ են մղել Ասադի կողմնակիցների հարձակումը

«Ներքին անվտանգության տնօրինության աշխատակիցները հետ են մղել տապալված ռեժիմի մնացորդների հարձակումը Դամասկոսի Մեզզե շրջանում անցակետի վրա»,- հեռուստաալիքին հայտնել է Սիրիայի նոր իշխանությունների անվտանգության ուժերի աղբյուրը։ Զոհերի և վիրավորների մասին տեղեկություններ չեն հաղորդվում։

Մարտի 6-ին Լաթաքիա, Տարտուս և Հոմս նահանգներում բախումներ են սկսվել անվտանգության ուժերի և հանրապետության նախկին նախագահի կողմնակիցների միջև։ Ամենակատաղի մարտերը տեղի են ունեցել Ջեբլա քաղաքում, որտեղ ապրում են ալավիները՝ կրոնական փոքրամասնություն, որին պատկանում է Ասադների ընտանիքը: Լուրը հայտնումէ ՏԱՍՍ-ը։

Ըստ վերջին տվյալների՝ Սիրիայի արևմուտքում իրավիճակի սրման սկզբից սպանվել է նախկին նախագահի 250 զինված կողմնակից, իսկ նոր իշխանությունների օրոք ուժայինները կորցրել են 231 մարտիկի։ Քաղաքացիների շրջանում զոհերի թիվը գերազանցել է 800-ը, որոնց մեծ մասը ալավիական համայնքից է։