Հետաքննություն է սկսվել ՌԴ Մեդվեդիցա գետի ափին հայ գործարարի կողմից կառուցվող գործարանի սկանդալային շինարարության հետ կապված

Ռուսաստանի Քննչական կոմիտեի նախագահ Ալեքսանդր Բաստրիկինը հանձնարարել է հետաքննել Ռյազանի մարզում Միխայլովսկի շրջանի Մեդվեդիցա գետի ափին ասֆալտի գործարանի աղմկահարույց շինարարությունը։ v1.ru-ի հաղորդմամբ, նախօրեին Ստարոսելյե գյուղի բնակիչները տեսաուղերձով դիմել են նրան՝ խնդրելով փրկել իրենց բնապահպանական և սոցիալական աղետից, որը, նրանց կարծիքով, անխուսափելիորեն տեղի կունենա հայտնի գործարար Հմայակ Մամյանին պատկանող ձեռնարկության ստեղծման պատճառով։

Ըստ բնակիչների, կանգնած են Մեդվեդիցա գետի իրական սպառնալիքի առաջ,  Խոպյոր  գետի հետ հաճախ այն անվանում են Եվրոպայի վերջին մաքուր գետը, և, վերջին տեղեկություններով, հենց այստեղ՝ գետի ափին, պետք է տեղակայվի ասֆալտ խառնող գործարան, որն անշուշտ կբերի բնապահպանական և սոցիալական աղետի։ Մեդվեդիցա գետը միացված է ստորերկրյա ջրերին, որոնցից բնակիչները ստանում են խմելու ջուր։

Բնակիչները նշում են, որ Կարմիր գրքում գրանցված ձկների ձվադրավայրերն ու բնակավայրերը հավանաբար կվնասվեն։

Ալեքսանդր Բաստրիկինը պատասխանել է բնակիչների դիմումին և հայտնել, որ քննիչները դատավարական հետաքննություն են սկսել ՌԴ Քրեական օրենսգրքի 250-րդ հոդվածով՝ «Ջրերի աղտոտվածություն»:

Նշվում է, որ Միխայլովկայի վարչակազմում այսօր կանցկացվեն հասարակական լսումներ՝ կապված հողօգտագործումը գյուղատնտեսականից արդյունաբերականի փոխելու հարցի շուրջ։