Հարավային Ավստրալիայի ափերին առեղծվածային փրփուրի պատճառով ավելի քան 100 սերֆինգիստ է հիվադացել

Հարավային Ավստրալիայի լողափերում առեղծվածային ծովային փրփուր է հայտնվել, ինչի հետևանքով ծովային արարածներ են սատկել։ Այս մասին գրում է The Guardian-ը։
Ուեյթփինգի և Փարսոնսի լողափերը պատված էին թանձր դեղնականաչավուն փրփուրով, որը նման է լորձի։

Տարօրինակ փրփուրի հետ մեկտեղ ափ են նետվում ծովաձիերի, ձկների ու ութոտնուկների  մարմինների մնացորդները։

Այս լողափերում ալիքների վրա սերֆինգով զբաղվելուց հետո  ավելի քան 100 մարդ բողոքել է նույն ախտանիշներից՝ մշուշոտ տեսողություն, աչքերի քոր, հազ և դժվարացած շնչառություն: Սերֆինգիստները փրփուրը նմանեցնում են մաքրող քիմիական միջոցի, որն ունի սուր հոտ։

Ենթադրվում է, որ հենց այս փրփուրի հետևանքով են սերֆինգիստները հիվանդացել։