Telegraph. Արքայազն Հարրին կարծում է՝ անվտանգության կրճատումն իր վրա ճնշում գործադրելու միջոց է

Մեծ Բրիտանիայի արքայազն Հարիին Միացյալ Թագավորությունում գտնվելու ընթացքում անվտանգությունից զրկելը նրա և նրա կնոջ՝ Մեգան Մարքլի վրա ճնշում գործադրելու միջոց է՝ զույգին Մեծ Բրիտանիայում պահելու համար: Այս մասին նա ասել է Telegraph թերթին։

Վեստի.ռու-ի հաղորդմամբ, նշվում է, որ ապրիլի 8-ին և 9-ին արքայազնը մասնակցել է Լոնդոնի Վերաքննիչ դատարանում լսումների՝ Միացյալ Թագավորությունում գտնվելու ընթացքում ոստիկանության պաշտպանության մակարդակը նվազեցնելու գործի վերաբերյալ՝ թագավորական պարտականություններից հրաժարվելուց և ԱՄՆ մեկնելուց հետո։

«Դուքսն ու դքսուհին հույս ունեին, որ իրենց իսկ գոհունակությունը կբարելավի իրենց հարաբերությունները ընտանիքի մնացած անդամների հետ: Այնուամենայնիվ, նրանք իրենց՝ անվտանգությունից զրկելը համարում էին միջոց՝ փորձելով ստիպել իրենց վերադառնալ Բրիտանիա»,- գրում է թերթը։

2020 թվականին արքայազն Հարին և նրա կինը՝ Մեգան Մարքլը, լքել են Մեծ Բրիտանիան թագավորական ընտանիքի հետ հարաբերությունների խզումից հետո։ Միաժամանակ նրանք հրաժարվել են կատարել թագավորական պարտականությունները։ Այս ֆոնին Թագավորական և հասարակական գործիչների պաշտպանության գործադիր կոմիտեն (RAVEC) որոշել է, որ արքայազնին այլևս անհրաժեշտ չէ անվտանգության նման բարձր մակարդակ։