Պուտինը ստորագրել է Իրանի հետ ռազմավարական գործընկերության մասին օրենքը

Ռուսաստանի նախագահ Վլադիմիր Պուտինը է ստորագրել Իրանի հետ համապարփակ ռազմավարական գործընկերության մասին պայմանագիրը վավերացնելու մասին օրենքը։ Համապատասխան փաստաթուղթը տեղադրվել է ՌԴ իրավական ակտերի պաշտոնական հրապարակման կայքում։

Համաձայնագիրը ստորագրվել է 2025 թվականի հունվարի 17-ին՝ Իրանի նախագահ Մասուդ Պեզեշկյանի Մոսկվա կատարած այցի ժամանակ։

Համաձայնագրի հիմնական դրույթներն են.

-Մոսկվան և Թեհրանը պայմանավորվել են աջակցել առևտրատնտեսական համագործակցությանը փոխադարձ հետաքրքրություն ներկայացնող բոլոր ոլորտներում.

-կողմերը սերտորեն համագործակցում են համատեղ զորավարժությունների անցկացման հարցում.

-եթե երկրներից մեկը ենթարկվում է ագրեսիայի, մյուսը չպետք է հարձակվող կողմին տրամադրի այնպիսի օգնություն, որը կհեշտացնի հարձակման շարունակությունը.

-Ռուսաստանը և Իրանը թույլ չեն տալիս օգտագործել իրենց տարածքները՝ աջակցելու անջատողական շարժումներին, որոնք սպառնում են իրենց տարածքային ամբողջականությանը.

-Մոսկվան և Թեհրանը համագործակցում են միջազգային ահաբեկչության և այլ մարտահրավերների ու սպառնալիքների դեմ պայքարում.

-երկրները մտադիր են ընդդիմանալ միակողմանի հարկադրանքի միջոցների կիրառմանը և դրանց ներդրումը համարել միջազգային անօրինական գործողություն...