Իրանի նավահանգստում տեղի ունեցած պայթյունից վիրավորների թիվը հասել է 195-ի

Իրանի հարավում գտնվող Բանդար Աբբաս նավահանգստում տեղի ունեցած պայթյունի հետևանքով վիրավորների թիվը հասել է 195-ի: Ռիա նովոստիի հաղորդմամբ, այս մասին հաղորդում է MEHR գործակալությունը։

Tasnim գործակալության տվյալներով, շաբաթ օրը կեսօրին Բանդար Աբբաս նավահանգստում հզոր պայթյուն է տեղի ունեցել։ Պայթյունը տեղի է ունեցել վարչական շենքում։ Իրանի մեկ այլ պետական ​​գործակալության՝ «Ֆարս»-ի հաղորդմամբ, պայթյունն այնքան հզոր է եղել, որ լսվել է Քեշմ կղզում, որը գտնվում է Պարսից ծոցի Բանդար Աբբաս նավահանգստից առնվազն 20 կիլոմետր հեռավորության վրա։ Մեկ այլ գործակալություն՝ NourNews-ը, հայտնել է, որ պայթյունի հետևանքով կոտրվել են մի քանի կիլոմետր շառավղով պատուհաններ։

Tasnim-ը հայտնել էր, որ Բանդար Աբբասի նավահանգստում պայթյունը տեղի է ունեցել վառելիքի բաքում բռնկված հրդեհի պատճառով։