Իրանի Շահիդ Ռաջայի նավահանգստում տեղի ունեցած պայթյունի զոհերի թիվը հասել է 28

Իրանի հարավային Բանդար Աբբաս քաղաքի Շահիդ Ռաջայի նավահանգստում տեղի ունեցած պայթյունի հետևանքով զոհերի թիվը հասել է 28-ի։ «ՌԻԱ նովոստի»-ն գրում է, որ, այդ մասին հաղորդում է Press TV-ն։

«Իրանի հարավում տեղի ունեցած պայթյունի հետևանքով զոհերի թիվը հասել է 28-ի», - ասվում է հաղորդագրության մեջ։

Իրանի իշխանությունների տվյալներով՝ վիրավորվել է 1139 մարդ։

Շահիդ Ռաջայի նավահանգստում արտակարգ իրավիճակի մասին հաղորդագրությունները տարածվել են շաբաթ օրը կեսօրին։ Իրանի կառավարության խոսնակ Ֆաթեմեհ Մոհաջերանին ասել է, որ միջադեպը տեղի է ունեցել քիմիկատների պահեստում, սակայն պատճառը պարզ չէ։