Կարեն Խաչանովը դուրս է եկել Ժնևի մրցաշարի քառորդ եզրափակիչ

Աշխարհի 24-րդ ռակետ Ռուսաստանը ներկայացնող հայազգի թենիսիստ Կարեն Խաչանովը Ժնևում (Շվեյցարիա) կայացած ATP-250 մրցաշարում դուրս է եկել քառորդ եզրափակիչ այն բանից հետո, երբ նրա մրցակիցը՝  ճապոնացի մարզիկ, աշխարհի 62-րդ ռակետ  Կեյ Նիսիկորին, հրաժարվել է հետագա պայքարից։

Հանդիպումը մեկնարկել էր նախօրեին, բայց անձրևի պատճառով դադարեցվել էր։ Այդ պահին Խաչանովը առաջին սեթը հաղթում էր 7:5 հաշվով,  երկրորդը պարտվում էր 2:5 հաշվով։ Խաղը պետք է շարունակվեր այսօր, սակայն ճապոնացի մարզիկը հրաժարվել է մասնակցությունից։ 

Խաչանովի հաջորդ մրցակիցը կլինի ավստրիացի Սեբաստիան Օֆները կամ պորտուգալացի Նունո Բորխեսը։

Ժնևում կայանալիք մրցաշարը կավարտվի մայիսի 24-ին։ Մրցույթի մրցանակային ֆոնդը կազմում է 596 հազար եվրո։

Այսօր Կարեն Խաչանովը դարձավ 29 տարեկան։