Ամենից շատ կարդացված նյութեր
.jpg "Փաշինյանը Մինսկ չի մեկնի")
Բելառուսի նախագահ Ալեքսանդր Լուկաշենկոյի հետ Բարձրագույն Եվրասիական տնտեսական խորհրդի և Եվրասիական տնտեսական ֆորումի նիստի նախապատրաստական աշխատանքների վերաբերյալ հանդիպումից հետո արտգործնախարար Մաքսիմ Ռիժենկովը լրագրողներին հայտնել է, թե որ համաշխարհային առաջնորդները կժամանեն Մինսկ՝ այդ միջոցառումներին մասնակցելու համար։
Belta-ի փոխանցմամբ, ֆորումի ընթացքում նախատեսված է լիագումար նիստ՝ Բելառուսի պետության ղեկավարի և օտարերկրյա պատվիրակությունների ղեկավարների մասնակցությամբ։
ԵԱՏՄ անդամ պետությունների բոլոր ղեկավարները (Ռուսաստան, Ղազախստան, Ղրղզստան), բացառությամբ Հայաստանի վարչապետի, հաստատել են իրենց անձնական ներկայությունը միջոցառմանը։
Նիկոլ Փաշինյանը ֆորումին կմասնակցի հեռակա՝ տեսակապի միջոցով։
Ինչպես նշել է բելառուս նախարարը, լիագումար նիստի ընթացքում մասնակիցները կկիսվեն տարածաշրջանի զարգացման, ԵԱՏՄ-ում առևտրային, տնտեսական, ֆինանսական կապերի վերաբերյալ իրենց տեսլականով, իսկ գլոբալ համատեքստում՝ պետությունների ղեկավարները կներկայացնեն աշխարհում տիրող իրավիճակի վերաբերյալ իրենց տեսլականը։
Ֆորումին մասնակցելու են նաև Մոնղոլիայի, ԱՄԷ-ի, Նիկարագուայի և Մյանմարի պատվիրակությունները։ Ֆորումի հաջորդ օրը՝ հունիսի 27-ին, նախատեսված է Եվրասիական տնտեսական բարձրագույն խորհրդի նիստը։
Studio One