Աղազարյանը և Ասլանյանը պատրաստ են առաջադրել Միքայել արքեպիսկոպոս Աջապահյանի թեկնածությունը՝ նրա համաձայնության դեպքում. Մարուքյան

«Լուսավոր Հայաստան» կուսակցության նախագահ Էդմոն Մարուքյանը, ով անկախ պատգամավորներ Հովիկ Աղազարյանի և Հակոբ Ասլանյանի կողմից առաջադրվել է վարչապետի թեկնածու, գրում է. 

«Քննարկում ունեցա Հովիկ Աղազարյանի և Հակոբ Ասլանյանի հետ։

Ստորև ներկայացված են քննարկման արդյունքները․

Ես պատրաստ եմ հրաժարվել վարչապետին անվստահություն հայտնելու գործընթացի շրջանակներում իմ թեկնածությունը առաջադրելուց, իսկ Աղազարյանը և Ասլանյանը պատրաստ են առաջադրել Միքայել արքեպիսկոպոս Աջապահյանի թեկնածությունը՝ նրա համաձայնության դեպքում:

Կոչ ենք անում բոլոր ընդդիմադիր և իշխող խմբակցության պատգամավորներին միանալ այդ նախաձեռնությանը։

Առաջարկում ենք հարցը բերել խորհրդարան և Սահմանադրական գործընթացով իշխանափոխություն իրականացնել»։ 

Ըստ նրա, այդ դեպքում խորհրդարանական երկու ընդդիմադիր դաշինքների պատգամավորները պատճառ չեն ունենալու չմիանալու Միքայել Սրբազանի թեկնածությամբ իմպիչմենտի նախաձեռնությանը, և այդ գործընթացին միանշանակ ու վճռականորեն աջակցելու է նաև ժողովուրդը։