Ամենից շատ կարդացված նյութեր
.png "Ադրբեջանի դեսպանը կանչվել է ՌԴ ԱԳՆ")
Ադրբեջանի դեսպանը կանչվել է արտաքին գործերի նախարարություն՝ կապված Բաքվի անբարյացակամ գործողությունների և ռուս լրագրողների անօրինական ձերբակալության հետ։ Այս մասին գրում է «Ռիա Նովոստի» գործակալությունը։
«Բաքվի ոչ բարեկամական գործողությունների և ռուս լրագրողների անօրինական կալանքի հետ կապված, որոնց դեմ Ադրբեջանի իշխանություններն անցած տարիների ընթացքում որևէ բողոք չեն ունեցել, Ադրբեջանի դեսպանը կանչվել է արտաքին գործերի նախարարություն», -հայտնել են նախարարությունից։
Հիշեցնենք, որ Ադրբեջանում անվտանգության ուժերը խուզարկել են ռուսական «Սպուտնիկ Ադրբեջան» գործակալության գրասենյակը։ Լրագրողները մի քանի ժամ է՝ կապի մեջ չեն։ Առանց բացատրության ռուս դիվանագետներին խմբագրություն մուտք գործելու թույլտվություն չի տրվում ։
Ադրբեջանական լրատվամիջոցներից մեկը հայտնել է «երկու ԱԴԾ գործակալների» ձերբակալության մասին, որոնք ենթադրաբար աշխատել են հրատարակության համար։ Բաքվի և Մոսկվայի միջև հարաբերությունները լարված են հունիսի 27-ից՝ Եկատերինբուրգում սպանությունների հետաքննության շրջանակներում էթնիկ ադրբեջանցիների ձերբակալությունից հետո։
Studio One