«Վալիկո», որտեղ է ամենամաքուր ջուրը

Ամենամյա «Բնապահպանական արդյունավետության ինդեքսի» (EPI) վարկանիշով՝ 100 միավորը համապատասխանում է խմելու ջրի ամենաբարձր չափանիշին, իսկ 0 միավորը՝ խմելու ջրի ամենացածր որակին։

Ջրային ռեսուրսների սպառումը սպառնում է ավելի մեծ աղետով, քան նավթ չունենալը։ Ցավոք՝ Արցախի հետ միասին Ադրբեջանը զավթեց նաև խմելու ջրերի մեծ ռեսուրսներ։

Ջրային ռեսուրսներ ունենալու հետ մեկտեղ կարևոր է, թե որքանով է այն պիտանի՝ մաքուր։ Մաքուր ջուր ունենալը հավասարազոր է առողջ բնակչություն ունենալուն։

 EPI-ն դասակարգել է 180 երկիր՝ հիմնվելով կլիմայի փոփոխության մեղման, շրջակա միջավայրի վիճակի բարելավման և էկոհամակարգի կենսունակության պահպանման գործում նրանց առաջընթացի վրա(jnews)։ 

EPI թիմը հրապարակել է թարմացված արդյունքներ, որոնք ցույց են տալիս ամենամաքուր խմելու ջուր ունեցող և ամենաաղտոտ խմելու ջուր ունեցող երկրները։

EPI-ի տվյալներով՝ հետևյալ 10 երկրներն ունեն աշխարհի ամենամաքուր խմելու ջուրը.

• Ֆինլանդիա՝ 100 միավոր
• Իսլանդիա՝ 100 միավոր
• Նիդերլանդներ՝ 100 միավոր
• Նորվեգիա՝ 100 միավոր
• Շվեյցարիա՝ 100 միավոր
• Մեծ Բրիտանիա՝ 100 միավոր
• Մալթա՝ 99.80 միավոր
• Գերմանիա՝ 99.10 միավոր
• Լյուքսեմբուրգ՝ 98.70 միավոր
• Շվեդիա՝ 98.60 միավոր

Ամենացածր որակի խմելու ջուր ունեցող 10 երկրները.

• Նիգեր՝ 1.50 միավոր
• Նիգերիա՝ 5.00 միավոր
• Տոգո՝ 5.20 միավոր
• Բուրունդի՝ 5.40 միավոր
• Մադագասկար՝ 6.00 միավոր
• Էրիթրեա՝ 6.40 միավոր
• Գվինեա-Բիսաու՝ 6.80 միավոր
• Լեսոտո (Հարավային Աֆրիկա)՝ 7.30 միավոր
• Կամերուն՝ 7.80 միավոր
• Բուրկինա Ֆասո՝ 7.80 միավոր

Ինչ վերաբերում է Հայաստանին, Վրաստանին, Ռուսաստանին, Ադրբեջանին, Թուրքիային՝   EPI ինդեքսով Վրաստանը 52-րդ տեղում է, Ռուսաստանը՝ 46-րդում,  Թուրքիան 180 երկրների շարքում զբաղեցնում է 72-րդ տեղը, Ադրբեջանը՝ 106-րդն է։

 Հայաստանը զբաղեցնում է 47-րդ տեղը։